Nemu kita.. pesta Tanglung tu nitih ke utai ti dibaca aku ia nya siti ari main asal bansa Cina kenyau ari kelia menya (250 SM). Ba urang Cina, Tanglung tu ukai semina nyadi ke pemandang aja, tang ia mega dikena ngalu ke pengabang lebuh maia rami, betesau ti bisi rabat enggau mega dikena madah ka bisi penusah ka datai ngagai endur nya.
Tanglung tu bisi reti kediri empu nitih ke chura ia tau ka nitih ke dini endur urang engkah Tanglung tu tadi. Sema ke banding, urang engkah Tanglung ti bechura mansau ba mua pintu kena nanda ke dia bisi anak mit ti baru ada. Chura mansau tu tadi nunjuk ka pengerami sereta pengaga urang dalam ruang bilik dia nyambut penatai anak mit tu tadi.
Enti kita deka nemu maioh agi pekara ke besangkut ngau Tanglung tu kita tau macha ia ba internet, bup tauka betanya ngagai kaban kita ti bebansa Cina. Nyadi ngau tu aku ka kita pengerami "Pesta Tanglung" ti udah dipenyadi ka ba Kolej KHAR, Universiti Pendidikan Sultan Idris (UPSI) baru-baru tu.
No comments:
Post a Comment